Главная --> Молитвослов --> Молитвы исцеления и помощи в различных нуждах и немощах --> Молитвы угодником Божиим --> Молитва святому Апостолу и Евангелисту Луке

Молитва святому Апостолу и Евангелисту Луке

Молитва | Акафист | Житие | Иконы

Молитва святому Апостолу и Евангелисту Луке

О, святый Луко, Богом избранный и Материю Божиею благословенный, проповедниче по всей вселенней Евангелия Христова, мучениче и Апостоле, помощниче всем молитвенно призывающим тя, помози и нам, непотребным рабом Господним, яко мы по многим прегрешениям нашим обретаемся во тьме и сени смертней, отдалече от Бога отстоя. Чрез то стыдом посрамленные не имамы дерзновения Господа молити о прощении, призываем тя, великий светильниче Божий, яко пребывающаго в непреходящем Его свете, моли о нас Господа, да помилует нас. Умоли Господа, святый Луко, да обновит в нас страх Господень, онже любы привлекает, а грех отгоняет. Яко мы тако навыкли грешити по всях день и час, и во сне, яко не вемы слов Господа: бдите, яко не знаете часа, егда хочу приити, Он же может на всяк час призвати нас из сего привременного живота в вечный. Пробуди в нас, святый Луко, страх и премудрость, о нихже святый царь и псалмопевец Давид рече. Да твоими молитвами получим покаяния слезы, имиже вси наши души от греха очистятся. Яко мы в духовной слепоте и дебелости суще не можем плакатися своего мертвеца, сиречь самих себе, многи же слезы, потоки слез потребно да пролием за множество содеянных грехов. Помози нам, неразумным, да уразумеем Писание, еже ты сам списал еси, яко истинным разумом уразумеем истинная словеса, да бежим от греха, яко от огня, и вси силы приложим, да приблизит ны Бог. Да уразумеем, яко грех есть смерть, Бог же живот. Помози нам, святый Луко, да то уразумевше, очистимся от греха и прейдем из смерти в живот. Да будет нам Бог вся во всем. И ныне и во веки да пребудем близ Него. Дабы и нам, яко ти с Клеопою, егда путешествовали во Еммаус, сердце и душа трепетны быша от присутствия Его. Отнюдуже да снидет на ны мир небесный, к Царствию Небесному ны руководящий и радостны ны творящий, да возможем стрелы Лукаваго, на всяк час в нас испущаемы, отгнати. С тем же получим и любы Божия, да руководит нас к вечному Отечеству, идеже вси силы небесные, вси святии, Мати Божия пред ними, Еяже благой лик в иконе тобою написанной, увековечен еси. Очи сердец наших да непрестанно взирают на ту лепоту и ею наслаждаются, да царит в нас Царство Небесное, в кое чаем молитвами твоими, святый Луко, преселитися, егда нас Господь призовет, да тамо вечно славим Бога во Святей Троице: Безначальнаго Отца, Единороднаго Сына и Пресвятаго Духа, во все бесконечные веки. Аминь.

Молитва иная

О, преславный апостоле Луко, душу за Христа предавший и кровию твоею пажить Его удобривший! Услышь чад твоих молитвы и воздыхания, сердцем сокрушенным ныне приносимыя. Се бо беззаконьми омрачихомся, и того ради бедами, якоже тучами, обложихомся, елеа же добраго жития обнищахом зело, и не возможем противитися волком хищным, иже расхищати наследие Божие дерзостно тщатся. О, сильний! Понеси немощи наша, не отлучайся духом от нас, да не разлучимся в конец от любве Божия, но крепким заступлением твоим нас защити, да помилует Господь всех нас молитв твоих ради, да истребит же рукописание безмерных грехов наших, и да сподобит со всеми Святыми блаженнаго Царствия и брака Агнца Своего, Емуже честь и слава, и благодарение и поклонение, во веки веков. Аминь.

ТРОПАРЬ, ГЛАС 5

Апостольских деяний сказателя, и Евангелия Христова светла описателя, Луку препетаго, славна суща Христове Церкви, песньми священными святаго апостола похвалим, яко врача суща, человеческия немощи, естества недуги и язи душ исцеляюща, и молящася непрестанно за души наша.

КОНДАК, ГЛАС 2

Истиннаго благочестия проповедника и тайн неизреченных ритора, звезду церковную, Луку Божественнаго восхвалим: Слово бо его избра, с Павлом мудрым языков учителя, Един ведый сердечная.

Молитва | Акафист | Житие | Иконы

Похожие православные молитвы, праздники, угодники Божии, чудотворные иконы:


Молитва святому преподобному Роману Сладкопевцу
Библия: Вторая книга Паралипоменон
Библия: Книга Иудифи
Святые равноапостольные Мефодий и Кирилл учители Словенские
Святая великомученица Анастасия Узорешительница
Феодоровская икона Божией Матери
Акафист Пресвятой Богородице перед Ея иконой именуемой Толгская

Возможно, вам будет это интересно:


Информеры для сайтов и блогов от сайта Про каждый день
Наши кнопки и ссылки на сайт Про каждый день
Праздники Сентября, даты и события. Государственные, Профессиональные, Всемирные и Международные праздники и события.
Время года Лето: Август. Календарь русских народных примет Августа. Народный календарь.
Порядок чтения псалмов на всякую потребу
Рыбалка в декабре. Зима. Рыболовный календарь.
Северо-Западный федеральный округ. СЗФО. Административный центр.

... Запомнить сайт ... Ctrl+D

Реклама
Сегодня в календаре:
Праздники и события года
1 апреля - День Смеха.
Международный день птиц.

Народный календарь. Приметы.
Дарья. День всеобщего веселья и шуток...
Православный календарь
Мучеников Хрисанфа и Дарии и с ними Клавдия трибуна, Иларии, супруги его, Иасона и Мавра, сыновей их, Диадора пресвитера и Мариана диакона...
Праздники и памятные дни России
День Смеха. День дурака.
Информеры
Выбрать информер ...




^Наверх